يا جماعة ده كلام المهندس اللى عامل المشروع ده وهو بيشرح هو المشروع عباره عن ايه هذه اول مشاركة بمشروع من تصميمى على هذا المنتدى الرائع فعلا وهو عبارة عن مشروع مسرح بالامارات يتكون من القاعة الرئيسيه سعة 250 فرد وغرفة فى اى بى مع غرفة للطعام وخدمات لخشبة المسرح وفى الدور العلوى قاعة النساء سعة 125 فرد وملحق بالمسرح مبنى مكاتب بمداخل منفصله تماما بمصاعد بانوراميه وسلالم وخدمات منفصلة
يعنى أنا معرفش كلية الهندسة بتخرج كام ألف مهندس كل سنة من كل جامعة على مستوى بر مصر ولا أعرف كمان إيه سبب هجمة التخلف اللى سادت مصر من أقصاها لأقصاها ولكن اللى أعرفه أنى أنا مختش الكلام ده فى الكتب اللى أنا بدرسها ولا شفت أى مبنى له هذه الفخامة والجمال وأعلم أيضا جيدا لقربى بمسارح مصر المخروبة على يد الحكومة أنى لم أرى مسرح من مسارح مصر بهذه العظمة ولا أعرف أيضا ما هى الأسباب التى تجعل من دبى عاصمة من عواصم جمال المبانى فى العالم وإذا ركزنا شوية فى التصميم اللى قدامنا فى الصورة هنلاقى أن المسرح فى دبى هو مجلس الشعب والشورى عندنا يعنى تخيلوا هما قد ايه بيهتموا بالمسرح وأحنا قد ايه بنهتم بالمجلس وده كله وأحنا بنتكلم عن دبى فتخيلوا لو جبنا صور من أى بلد اوروبى وعملنا هذه المقارنة هيكون الوضع عامل ازاى ؟؟؟
ولكن أريد أن ارى مثل هذا المسرح فى مصر أو حتى جامع صاحبة مش بيبنيه تحت بيت عشان ياخد جنب الثواب أعفاء من فواتير المياه والكهرباء أريد أن أمشى فى شوارع المحروسة وأجد مبانى فخمة يسكنها فقراء أريد أن اتعلم البناء لأعمر مصر وخاصة سيناء ولن تكون للصهاينة يسكنوها ونحن نعيش هنا لا يمكننا الخروج لهناك إلا بجواز سفر يخرج من مباحث أمن الدولة والأمن القومى لأرى مثل هذه المبانى التى تسر عينى التى تعودت على أن تكون دائما حزينة
المشاركات
